Masa antalaunku a siah a tu na juanku hai ka tinmak’ avik. Mahanimumul a buan a sia apav ludun saduan mapakusnasiul. Ka, asik haiap tu na lakuin a Buan a makusuhna minsuma taudanivku taungna mas isaitia tu davustia.

當我接下酒瓢要喝下去時，我卻醒了過來。從窗戶看過去，山頭上的月亮是孤寂的。而我，只想知道，月神什麼時候才會再次的邀我喝他的酒。

   Habas a bunun hai manaskalis mis’av i dunduanis mis’av aupa ka ukas malmazavmazav tu davus tu mahtu huudan. Mais na mis’av hai na kadavusang, na kauludunang kilimang ma’ansum’ansum tu na ispakaus mininsuma tu bunun, na kilimang mas hanian tu mahtu istaudaniv mas bunun. Pahasia habas a Bunun hai masamuang ta’azaun tu tisdavustan mindahpa minkulaz a lutbu at itdavus mataz i   madanul davus mais huud, madanul lutbu tu na is’unhunma na ishanup mas na ispatantungu ispasungkavaiz isihumis dalahtin. Laupak a dau a bunun hai ma’aipiin ubalivas davus at makaniin madanul hanian makaniin madanul lutbu makanin madanul tas tu lumah tu sinpakadaidaz. Aupa niin mahansiap itu mailantangus tu is’I’is’av tu    taiklas.  

以前的人難得喝到酒，所以，喝起酒來是快樂的。因為，不能隨時隨地的取得酒。要行酒宴時，需釀酒，還要找山珍美味給客人吃，更要找好日子邀請客人。所以，以前的人，因珍惜喝酒，而不至於因酒生病或傷身，珍惜用來工作的身體；打獵的身體和用來交往、友誼、生活在世界上的身體。現在的人很容易買到酒因而不太珍惜時光、身體、一家人的情誼，因為不知道前人喝酒的智慧。

                                                  論 殺 豬                      卜袞•伊斯馬哈單•伊斯立端